पुणे : सांस्कृतिक कला अकादमीतर्फे देण्यात येणाऱ्या कला पुरस्कारासाठी यंदा डॉ. राहुल देशपांडे व चंद्रशेखर महामुनी यांची निवड करण्यात आली आहे. डॉ. रोहित टिळक यांच्या हस्ते शनिवारी, २० एप्रिल २०१९ रोजी सायंकाळी पाच वाजता, केसरी वाड्यातील लोकमान्य सभागृह येथे पुरस्कार वितरण होणार आहे.
पुरस्कार वितारण समारंभानंतर डॉ. राहुल देशपांडे व चंद्रशेखर महामुनी ‘जादू सिनेगीतांची’ हा हिंदी-मराठी गीतांचा बहारदार कार्यक्रम सादर करणार आहेत. हा सर्व कार्यक्रम रसिक श्रोत्यांसाठी विनामूल्य आहे, असे संस्थेने कळवले आहे.
